Հակառակորդի կողմից արձակված կրակոցից ժամկետային զինծառայող է զոհվել։
Արցախի ՊՆ մամուլի ծառայությունը տեղեկացնում է, որ այսօր՝ ժամը 07:30-ի սահմանում, հակառակորդի կողմից արձակված կրակոցից մահացու հրազենային վիրավորում է ստացել ՊԲ հարավարևելյան (Մարտունի) ուղղությամբ տեղակայված զորամասերից մեկի ժամկետային զինծառայող, 2000թ. ծնված Սիփան Սերժիկի Մելքոնյանը:
Դեպքի մանրամասները պարզելու համար կատարվում է քննություն:
Արցախի Հանրապետության պաշտպանության նախարարությունը կիսում է կորստյան ծանր վիշտը և իր զորակցությունը հայտնում մահացած զինծառայողի ընտանիքի անդամներին, հարազատներին և ծառայակիցներին:
Հիշեցնենք, նախորդ օրերին ադրբեջանական կողմի սադրիչ հայտարարություններին անդրադարձել էր ԱԳՆ մամուլի խոսնակ Աննա Նաղդալյանը։
