Իմ Քայլը հանուն Շիրակի

Ոլորտային թիրախավորված ուղղություններ են սահմանվել ՏՏ/արդյունաբերությունը, Տուրիզմը եւ Գյուղատնտեսությունը:

Գյումրիում մեկնարկել է ՀՀ կառավարության կողմից նախաձեռնված «Իմ քայլը հանուն Շիրակի մարզի» բիզնես համաժողովը:

Նպատակը՝ տեղի եւ օտարերկրյա գործարարների միջեւ բազմակողմ, փոխշահավետ համագործակցության կայացման միջոցով ստեղծել հարթակ, որը կնպաստի մարզի տնտեսության եւ համայնքների զարգացմանը:

Գյումրիում է նաեւ վարչապետ Նիկոլ Փաշինյանը։

Համաժողովը հնարավորություն է ստեղծել ներկայացնելու մարզի տնտեսական ներուժը, զարգացման հեռանկարները եւ հստակ ոլորտային ներդրումային նախագծեր:

Ելնելով մարզի առանձնահատկություններից՝ համաժողովի անցկացման համար ոլորտային թիրախավորված ուղղություններ են սահմանվել ՏՏ/արդյունաբերությունը, Տուրիզմը եւ Գյուղատնտեսությունը:

Համաժողովը մեկնարկել է Շիրակի մարզի արտադրանքների եւ ծառայությունների ցուցահանդես-էքսպոյով: 60-ից ավելի տաղավարներ ներկայացնում են Շիրակի մարզում եւ Գյումրիում գործունեություն ծավալող 6 տասնյակի հասնող կազմակերպությունների եւ անհատների կողմից առաջարկվող արտադրանքների եւ ծառայությունների մասին:

Համաժողովի պաշտոնական մասին, որին ներկա են ՀՀ ՏԿԶ նախարար Սուրեն Պապիկյանը, ոլորտային գերատեսչությունների ղեկավարներ, ԱԺ պատգամավորներ, Հայաստանի Հանրապետությունում հավատարմագրված դեսպաններ, խոշոր, միջին եւ փոքր ձեռնարկությունների ներկայացուցիչներ, մասնակցում է շուրջ 300 մարդ:

Համաժողովին ներկա են արտերկրի 50, տեղի 150 գործարար, փորձագետներ, միջազգային կառույցների, պետական եւ հասարակական կառույցների պատասխանատուներ:

Աղբյուրը՝ armtimes.com