ՀԱՍԱՐԱԿՈւԹՅՈւՆ, Նորություններ

Վախթանգ Կիկաբիձեն Բաթումում համերգով կնշի ծննդյան տոնը

Լեգենդար դերասան և երգիչ Վախթանգ Կիկաբիձեն օգոստոսի 17-ին Բաթումում կայանալիք համերգով կնշի ծննդյան 81-ամյակը:

Ավանդույթի համաձայն՝ աշխարհահռչակ՝ մեզ՝ հայերիս համար հատկապես Ֆրունզիկ Մկրտչյանի մասնակցությամբ Միմինո ֆիլմից հայտնի վրացի դերասանի ու երգչի բեմական ու նկարահանման հրապարակի ընկերները կմասնակցեն Բաթումի Պետական երաժշտական կենտրոնում կայանալիք համերգին:

Կազմակերպիչները դերասանների ու երգիչների ցանկը չեն հրապարակում՝ խոստանալով բավականին շատ անակնկալներ: Հիշեցնենք, որ նախորդ տարի՝ Կիկաբիձեի 80-ամյակին, ելույթ են ունեցել Նանի Բրեգվաձեն, Թամար Գվերդցիթելին, Վալերի Մելաձեն, Լիզա Բագրատիոնին, ինչպես նաև Միմինոյի Լարիսա Իվանովնան՝ ռուս դերասան և հաղորդավար Ելենա Պրոկլովան:

Ֆրունզիկ Մկրտչյան և Վախթանգ Կիկաբիձե, կադր՝ Միմինո ֆիլմից, նկարը՝ nastroenie.tv-ից

Աջարիայում հանգստացող և հայերի կողմից ևս շատ սիրված Վախթանգ Կիկաբիձեի ծննդյան տոնին մասնակցել ցանկացող մեր հայրենակիցների համար նշենք, որ տոմսերն արժեն 17-35 դոլար (50-100 լարի), իսկ Բաթումի Պետական երաժշտական կենտրոնը գտնվում է Օդիսսեյ Դիմիտրիադի 1 հասցեում:

Մեկնաբանել

Fill in your details below or click an icon to log in:

Gravatar
WordPress.com Logo

You are commenting using your WordPress.com account. ( Log Out /  Փոխել )

Google photo

You are commenting using your Google account. ( Log Out /  Փոխել )

Twitter picture

You are commenting using your Twitter account. ( Log Out /  Փոխել )

Facebook photo

You are commenting using your Facebook account. ( Log Out /  Փոխել )

Չեղարկել

Connecting to %s

This site uses Akismet to reduce spam. Learn how your comment data is processed.