Ուկրաինան իր քաղաքացիներին զգուշացրել է՝ Արցախ մեկնելիս հետևել Ադրբեջանի օրենքներին

Ուկրաինայի արտգործնախարարությունն անթույլատրելի է համարում իր քաղաքացիների այցելությունը Լեռնային Ղարաբաղ: Ուկրաինայի ԱԳՆ մամուլի քարտուղար Եկատերինա Զելեկոն մեկնաբանել է, որ նման դիրքորոշումը վերաբերում է նաև Ռուսաստանի տարածքից Աբխազիա և Հարավային Օսիա այցելություններին:

Հաղորդվում է, որ Ադրբեջանի և Վրաստանի տարածքային ամբողջականությանը միջազգայնորեն ճանաչված սահմաններում ու ինքնիշխանությանն աջակցությունը Կիևի կողմից անփոփոխ է:

Ուկրաինայի արտաքին գերատեսչությունն այդ տարածքները համարում է օկուպացված և, երկրի գործընկերների կողմից ստացվող բազմաթիվ դիմումները հաշվի առնելով, Ուկրաինայի քաղաքացիներին խորհուրդ է տալիս Լեռնային Ղարաբաղի, Աբխազիա և Ցխինվալիի շրջան-Հարավային Օսիա, ինչպես նաև դրանց սահմանակից շրջաններ ուղևորվելիս առաջնորդվել Ադրբեջանի և Վրաստանի օրենսդրություններով, քանի որ վերջինների խախտումը կարող է հանգեցնել վարչական և քրեական պատասխանատվության:

Աղբյուրը նշում է նաև, որ Ադրբեջանը ոչ մի կերպ չի կարգավորում մուտքը Լեռնային Ղարաբաղ, ընդ որում՝ դա հնարավոր չէ նաև այն պատճառով, որ շփման գիծն ականապատված է և մինչ օրս հանդիսանում է փոքր ինտենսիվությամբ մարտական գործողությունների տարածք: Միևնույն ժամանակ Ադրբեջանը խստորեն հետապնդում է միակ հնարավոր ճանապարհով Հայաստանի Հանրապետության տարածքից մուտք Արցախ մուտք գործող օտարերկրացիներին:

Այսինքն, Ադրբեջանը շրջափակել է Լեռնային Ղարաբաղը և չի կարող իր տարածքից օտարերկրացիների մուտքն ապահովել: Վերջիններս այլ տարբերակ չունեն: Մինչդեռ տեխնիկապես հնարավոր է Աբխազիա և Հարավային Օսիա ներթափանցել հենց Վրաստանի տարածքից:

Մեկնաբանել

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Փոխել )

Google photo

You are commenting using your Google account. Log Out /  Փոխել )

Twitter picture

You are commenting using your Twitter account. Log Out /  Փոխել )

Facebook photo

You are commenting using your Facebook account. Log Out /  Փոխել )

Connecting to %s

This site uses Akismet to reduce spam. Learn how your comment data is processed.