Տարօրինակ դաշնակիցներ. թուրքերը Սիրիայում կրակել են ամերիկացիների ուղղությամբ. տեսանյութ

Թուրքական զորքերը Քոբանի շրջանում արկակոծել են Միստենուր բլրի մոտ գտնվող ամերիկյան զորքին: Հրանոթային համազարկի հետևանքով ամերիկյան 1 զինվորական է զոհվել, ևս 7-ը վիրավորվել են:

Պարզվել է նաև, թուրքական արկակոծության տակ են հայտնել նաև ֆրանսիական հատուկջոկատայինները. նրանց շրջանում նույնպես վիրավորներ կան:

Թուրքերն, ինչպես նաև արևմտյան մամուլի որոշ ներկայացուցիչներ արդեն հայտարարել են, թե արկակոծությունը սխալմամբ է տեղի ունեցել: Ավելին, թուրքական մամուլը լծվել է հաղորդելու, թե իբր ամերիկյան և ֆրանսիական ստորաբաժանումները հարձակման են ենթարկվել ոչ թե թուրքական ուժերի, այլ Քուրդիստանի բանվորական կուսակցության զինյալների կողմից՝ նպատակ ունենալով լարվածություն առաջացնել դաշնակիցների հարաբերություններում:

Ամեն դեպքում, ինչպես հաղորդվում է, ԱՄՆ-ն օդ են բարձրացրել իրենց Ռազմաօդային ուժերը: Վերջիններիս սիրիական հրամանատարությունը չի հավատում պատահականությանը:

Պենտագոնը հաստատել է, որ արկակոծության է ենթարկվել ամերիկյան ստորաբաժանումների տեղակայման շրջանը Քոբանիում, բայց ամերիկացի զինծառայողների շրջանում վիրավորներ չկան:

Լրագրող Ժոզի Էնսորը պատմել է դաշնակիցների ամերիկյան ներկայացուցիչ-պաշտոնյաներից մեկի հետ զրույցի մասին: Ըստ նրա` թուրքերը տեղյակ են եղել, որ Միստենուրի բլրի հատվածում ամերիկյան ուժերն են տեղակայված, այստեղ այլ թիրախ չկա: Պաշտոնյայի խոսքով` թուրքերը դրանով փորձում են ամերիկացիներին վռնդել այդտեղից: էնսորի զրուցակիցը նշել է, որ եթե թուրքերին հաջողվի ամերիկացիներին դուրս նետել Քոբանիից, ապա ամեն ինչ վերջացած է…:

Աղբյուրը հիշեցնում է, որ ամերիկացիները, ֆրանսիացիներն ու թուրքերը ՆԱՏՕ-ում դաշնակիցներն են, ուստի այս միջադեպը ռազմական համագործակցության առումով լրջագույն հետևանքներ կարող է ունենալ:

Հավելենք, որ վերջին շրջանում որոշակի լարվածություն էր առաջ եկել թուրք-ամերիկյան հարաբերություններում՝ կապված Անկարայի ինքնուրույն քաղաքականության հետ (Ռուսաստանից ռազմատեխնիկա գնելու և այլն):

Տեղեկացում

Թուրքական զինված ուժերը Սիրիայի հյուսիս-արևելք են մուտք գործել հոկտեմբերի 9-ին` Խաղաղության ակունք ռազմագործողությամբ:

Մեկնաբանել

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Փոխել )

Google photo

You are commenting using your Google account. Log Out /  Փոխել )

Twitter picture

You are commenting using your Twitter account. Log Out /  Փոխել )

Facebook photo

You are commenting using your Facebook account. Log Out /  Փոխել )

Connecting to %s

This site uses Akismet to reduce spam. Learn how your comment data is processed.