Հնագետները Եգիպտոսում Նոր թագավորության 20-ից ավել սարկոֆագ են գտել

Եգիպտոսի Լուքսոր քաղաքի մերձակայքում հայտնաբերվել են 18-րդ դինաստիային պատկանող (մ.թ.ա. 1550-1292թթ.) երկու տասնյակից ավել փայտե սարկոֆագներ: Բոլոր սարկոֆագները ներկված են վառ նախշերով և լավ պահպանված են: Դրանք հայտնաբերվել են Էլ-Ասասիֆի դամբարանադաշտում, որտեղ գտնվում են 15, 16 և 18-րդ դինաստիաների դամբարանները:

Եգիպտոսի հնությունների նախարարությունը հաղորդել է, որ գտածոն խոշորագույններից է և վերջին տարիների ամենաարժեքավորը: Այստեղ սարկոֆագները տեղադրված են եղել երկու շարքով՝ իրար վրա:

Հոկտեմբերի 19-ին հնագիտական պեղումների վերաբերյալ մամուլի ասուլիս է կայանալու, որտեղ հնագետներն ու նախարարության ներկայացուցիչները մանրամասն կխոսեն գտածոյի մասին:

EGYPT ANTIQUITIES MINISTRY

Էլ-Ասասիֆի դամբարանադաշտը գտնվում է Արքաների հովտի հարևանությամբ, որտեղ Նոր թագավորության փարավոնների գերեզմաններն են հայտնաբերվել: Էլ-Ասասիֆում հիմնականում Հին Եգիպտոսի ուշ շրջանի դամբարաններն են՝ մ.թ.ա. 664-332թթ.: Այստեղ երկու դամբարաններ կան, որոնք վերաբերում են 18-րդ դինաստիային՝ Նոր թագավորության առաջին դինաստիային: Այս շրջանի փարավոններից են Ահմոս I-ը, Հաթշեփսուտը, Թութմոս III-ը, Ամենհոտեպ III-ը, Էհնաթոնը և Թութանհամոնը:

Այս տարածքում հայտնաբերվել է նաև արդյունաբերական գոտի՝ արտադրամասեր՝ ոսկերչական և այլ իրերի պատրաստման համար, ինչպես նաև վառարան՝ կերամիկական պարագաների այրման համար:

Մեկնաբանել

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Փոխել )

Google photo

You are commenting using your Google account. Log Out /  Փոխել )

Twitter picture

You are commenting using your Twitter account. Log Out /  Փոխել )

Facebook photo

You are commenting using your Facebook account. Log Out /  Փոխել )

Connecting to %s

This site uses Akismet to reduce spam. Learn how your comment data is processed.