Էկոակտիվիստները միմյանց հետ շփվելու համար ժեստերի լեզու են ստեղծել

Extinction Rebellion (Ընդվզում մահացման դեմ) բնապահպանական շարժման կողմնակիցները մշակել են հատուկ ժեստերի լեզու՝ բողոքի ակցիաների ժամանակ միմյանց հետ շփվելու նպատակով:

Էկոակտիվիստները կազմակերպության անդամների համար մշակել են ձեռքերի հատուկ շարժումների ուղեցույց: Դրանց միջոցով, մասնավորապես, հնարավոր է վտանգի մասին զգուշացնել, մասնակիցներից ինչ-որ մեկին ձերբակալելու մասին տեղեկացնել մյուսներին: Հաղորդվում է, որ նմանատիպ ազդանշաններ ներկայումս օգտագործում են Հոնգ Կոնգում:

Կազմակերպության ներկայացուցիչներից Լիամ Գիրի Բոլչը նշել է, որ իրենց շարքերում կան տարեց մարդիկ, ովքեր ժամանակակից տեխնոլոգիաներին տիրապետելու հարցում դժվարանում են, ուստի այս մեթոդը նրանց համար օգտակար կլինի:

Ուղեցույցը մշակվել է ժեստերի լեզվի բրիտանացի ուսուցչի կողմից և թողարկվել այն բանից հետո, երբ Լոնդոնի ոստիկանությունը Extinction Rebellion-ին արգելել է բողոքի ցույցեր անցկացնել Մեծ Բրիտանիայի մայրաքաղաքում: Էկոակտիվիստները որոշել են դատական կարգով չեղյալ համարել որոշումը:

2018թ. Մեծ Բրիտանիայում հիմնադրված Կազմակերպությունն իր առաջ խնդիր է դրել քաղաքագետների ուշադրությունը հրավիրել համաշխարհային խնդրի վրա՝ դրդելով ձեռնարկելու կլիմայի փոփոխությունը կանխելու միջոցառումներ: Extinction Rebellion-ը բողոքի միջոցառումներ է անցկացնում աշխարհի 60 քաղաքներում: Ապրիլ ամսին էկոակտիվիստները շրջափակել են Լոնդոնի տրանսպորտային հանգույցները, խոչընդոտել են մետրոյի աշխատանքը և փակել են Լոնդոնի ֆոնդային բորսայի շենքը: Այդ իրադարձությունների ժամանակ բրիտանական ոստիկանությունը ձերբակալել է ավելի քան հազար մարդու:

Մեկնաբանել

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Փոխել )

Google photo

You are commenting using your Google account. Log Out /  Փոխել )

Twitter picture

You are commenting using your Twitter account. Log Out /  Փոխել )

Facebook photo

You are commenting using your Facebook account. Log Out /  Փոխել )

Connecting to %s

This site uses Akismet to reduce spam. Learn how your comment data is processed.