Թրամփի հեղինակությունը կարող է տուժել՝ վերընտրվելու խնդիր առաջացնելով

Արմեն Վարդանյանի դիտարկումը Իրաքում ԱՄՆ-ի կողմից գեներալ Սոլեյմանիի սպանությանը հաջորդող զարգացումների վերաբերյալ:

Միջազգային և անվտանգության հարցերի հայկական ինստիտուտի փորձագետ, իրանագետ. «Իրաքում ԱՄՆ-ի կողմից Իրանի ազդեցիկ գեներալ Ղասեմ Սոլեյմանիի սպանության հետ կապված փորձեմ իմ կանխատեսումներն անել։ Ակնհայտ է, որ Իրանը սա անպատասխան չի թողնելու։ Քանի որ ԱՄՆ-ը և Իրանը վաղուց արդեն միջնորդավորված պատերազմի մեջ են այլ երկրների տարածքում (քաղաքագիտական լեզվով դա կոչվում է պրոքսի պատերազմ-proxy war), ապա ամենայն հավանականությամբ Իրանը ուղիղ առճակատման մեջ չի մտնի ԱՄՆ-ի հետ և կփորձի հենց երրորդ երկրի տարածքում վրեժ լուծել նրանից։ Դա կարող է տեղի ունենալ ամերիկյան բարձրաստիճան դիվանագետների, պաշտոնատար անձանց սպանության տեսքով կամ էլ երրորդ երկրի տարածքում ամերիկյան բազայի վրա հարձակմամբ։

Այսպիսի նախադեպեր արդեն եղել են։ Օրինակ՝ ԱՄՆ-ում մինչև հիմա էլ կասկածներ կան, որ 1983թ. Լիբանանում ամերիկյան զորանոցի վրա հարձակումը և 244 ամերիկացի ծովային հետևակայինների սպանությունը կազմակերպել են իրանական հատուկ ծառայությունները։ Սա նաև կարող է լուրջ մարտահրավեր լինել 2-րդ անգամ առաջադրվելու ցանկություն հայտնած ԱՄՆ նախագահ Դոնալդ Թրամփի համար։ Եթե Իրանին հաջողվի նման օպերացիա իրականացնել, ապա դրանից լրջորեն կտուժի Թրամփի հեղինակությունը և նա կարող է խնդիրներ ունենալ վերընտրվելու կապակցությամբ։

Ժամանակին Ջիմի Քարտերը 2-րդ անգամ չընտրվեց ԱՄՆ նախագահ և պարտվեց Ռոնալդ Ռեյգանին մեծապես այն բանի պատճառով, որ հենց Քարտերի նախագահության շրջանում, 1979թ. Իրանում տեղի ունեցավ ԱՄՆ դեսպանատան գրավումը ցուցարարների կողմից և դեսպանատան 66 աշխատակիցներին պատանդ վերցնելը ու դա ազդեց Քարտերի վարկանիշի վրա։ Ու չնայած ամերիկյան կողմը երկար ժամանակ բանակցություններ էր վարում Իրանի հետ պատանդներին ազատ արձակելու համար և նույնիսկ փորձ արվեց նրանց ազատման օպերացիա իրականացնել, այդ ամենն անհաջողության մատնվեց և իրանական կողմն այդ պատանդներին ազատ արձակեց միայն 444 օր հետո, երբ Ջիմի Քարտերը պարտվեց ԱՄՆ նախագահական ընտրություններում և Ռոնալդ Ռեյգանը անցավ իր պարտականությունների կատարմանը»։

Մեկնաբանել

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Փոխել )

Google photo

You are commenting using your Google account. Log Out /  Փոխել )

Twitter picture

You are commenting using your Twitter account. Log Out /  Փոխել )

Facebook photo

You are commenting using your Facebook account. Log Out /  Փոխել )

Connecting to %s

This site uses Akismet to reduce spam. Learn how your comment data is processed.