Իրանը հաստատել է, որ ինքնաթիռը հրթիռով է խոցվել

Իրանի ԶՈւ Գլխավոր շտաբը հայտարարել է, որ մարդկային սխալի պատճառով և պատահաբար ուկրաինական Boeing ինքնաթիռը խոցվել է հրթիռով՝ հանգեցնելով 176 մարդու մահվան: Նշվում է, որ ԱՄՆ-Իրան լարվածության ժամերին Հակաօդային պաշտպանության համակարգերը գործել են գերզգայուն իրավիճակում:

Հաղորդվում է, որ ինքնաթիռը թռիչքն իրականացրել է Իսլամական հեղափոխության պահապանների կորպուսի (ԻՀԿՊ) ռազմական կարևոր օբյեկտներից մեկի մոտակայքով, և կառուցվածքով ու թռիչքի բարձրությամբ չի տարբերվել հակառակորդի օբյեկտից:

Իրանական կողմը հայտնել է, որ ամերիկյան և իրանական կողմերի փոխադարձ հրթիռակոծությունից հետո երկնքում մեծացել է ԱՄՆ ռազմական ինքնաթիռների թիվը, ինչն էլ իրանական ՀՕՊ համակարգին պարտադրել է գործել լարվածության պայմաններում:

Իրանի նախագահ Հասան Ռոհանին տեղի ունեցածի կապակցությամբ ցավակցություն է հայտնել զոհվածների հարազատներին, այն երկրներին, որոնք քաղաքացիները զոհվել են իրանական կողմից պատահաբար արձակված հրթիռի հետևանքով: Նախագահը հանձնարարել է պատշաճ կազմակերպել դիերի փոխանցումը, նաև կարգավորել ՀՕՊ համակարգերում առկա խնդիրները՝ հետագայում նման ողբերգությունից խուսափելու նպատակով:

Ռոհանիի խոսքով՝ մեղավորները կգտնվեն և կենթարկվեն պատասխանատվության:

Իր թվիթերյան էջում ցավակցություն է հայտնել նաև Իրանի արտգործնախարար Ջավադ Զարիֆը:

Ուկրաինայի նախագահ Վլադիմիր Զելենսկին հայտարարել է, որ ակնկալում է ամբողջությամբ մեղավորության ընդունում, մեղավորներին պատասխանատվության ենթարկում և փոխհատուցում:

Հիշեցնենք՝ ուկրաինական ավիաընկերությանը պատկանող Boeing օդանավը կործանվել է հունվարի 8-ին՝ Թեհրան-Կիև չվերթն իրականացնելիս:

Մեկնաբանել

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Փոխել )

Google photo

You are commenting using your Google account. Log Out /  Փոխել )

Twitter picture

You are commenting using your Twitter account. Log Out /  Փոխել )

Facebook photo

You are commenting using your Facebook account. Log Out /  Փոխել )

Connecting to %s

This site uses Akismet to reduce spam. Learn how your comment data is processed.