Իրանը նախատեսում է արբանյակ տեղակայել գեոստացիոնար ուղեծրում

36000 կմ բարձրության վրա արբանյակի տեղակայումն ունենալու է տնտեսական նշանակություն, ինչպես նաև պաշտպանելու է Իրանի տիեզերական ակտիվները:

Իրանի Իսլամական հեղափոխության պահապանների կորպուսի (ԻՀՊԿ) Օդատիեզերական ուժերի տիեզերական զորամիավորման հրամանատարը հայտարարել է, որ ԻՀՊԿ-ն նախատեսում է արբանյակներ ուղարկել դեպի գեոստացիոնար հասարակածային ուղեծիր՝ Երկրից 36 հազար կմ բարձրության վրա:

Գեներալ Ալի Ջաֆարաբադին ընդգծել է Նուռ (Noor) ռազմական արբանյակի հաջող արձակումն ապրիլ ամսին՝ նշելով, որ նախատեսվող նոր արբանյակները նույնպես խիստ կարևոր են, քանի որ հեռահաղորդակցության և հեռուստատեսային արբանյակները հենց այդ ուղեծրում են տեղակայված:

Ջաֆարաբադիի խոսքով՝ գեոստացիոնար հասարակածային ուղեծրում իրանական արբանյակի տեղակայումը երկրի համար ունենալու է նաև տնտեսական նշանակություն, ինչպես նաև պաշտպանելու է Իրանի տիեզերական ակտիվները:

Բաժանորդագրվեք մեր Telegram ալիքին