Ադրբեջանական հատուկ ջոկատայինները կորուստներ կրելով հետ են շպրտվել

Նկարը՝ Շուշան Ստեփանյանի ֆեյսբուքյան էջից:

Պաշտպանության բանակի զորամասերից մեկի պահպանության տեղամասի ուղղությամբ հակառակորդը դիվերսիոն ներթափանցման փորձ է ձեռնարկել:

Արցախի ՊԲ մամուլի ծառայության հաղորդմամբ՝ մայիսի 22-ին Պաշտպանության բանակի զորամասերից մեկի պահպանության տեղամասի ուղղությամբ հակառակորդը ձեռնարկել է դիվերսիոն ներթափանցման փորձ:

ՊԲ առաջապահ ստորաբաժանումները ժամանակին հավաստանշել են ադրբեջանական հատուկ ջոկատայինների առաջխաղացումը և, կորուստներ պատճառելով, հետ շպրտել ելման դիրքեր: Ծավալված փոխհրաձգության ժամանակ ՊԲ-ն կորուստներ չի ունեցել:

Արցախի Հանրապետության պաշտպանության նախարարությունը կոչ է անում ադրբեջանական կողմին ձեռնպահ մնալ իրադրությունն արհեստականորեն լարելու անհեռանկար մարտավարությունից: Հակառակ դեպքում՝  առաջնագծում ստեղծված լարվածության ողջ պատասխանատվությունը ընկնելու է ադրբեջանական կողմի վրա:

Մեր Telegram ալիքը