Փորձում են բախում առաջացնել էթնիկ ադրբեջանցիների և վրացիների միջև. Վրաստանի ՊԱԾ

Վրաստանի պետանվտանգության ծառայությունը նշել է, որ Քվեմո Քարթլի և Կախեթիա շրջաններում միտումնավոր կոչերը վտանգ են ներկայացնում վրացի խաղաղ բնակչության համար:

Նկարը՝ © Sova, Վրաստան, Քվեմո Քարթլի

Վրաստանի պետական անվտանգության ծառայությունը (ՊԱԾ) հայտարարել է այնպիսի խմբավորումների առկայության մասին, որոնք փորձում են Քվեմո Քարթլի և Կախեթիա շրջաններում հակամարտություն առաջացնել էթնիկ վրացիների և ադրբեջանցիների միջև:

ՊԱԾ-ի հայտարարությամբ՝ այդ տեղեկությունները ստացվել են հետախուզական աշխատանքների արդյունքում: Նշված խմբավորման անդամները տարբեր սուր հարցերն «օգտագործում են բացասական համատեքստում»: Նման զգայուն թեմաների առաջ մղումը տեղի է ունենում իբր «հայրենասիրական մղումներով»:

Հաղորդվում է, որ էթնիկ ադրբեջանցիներով բնակեցված շրջաններում նմանատիպ միտումնավոր հանրային կոչերը «բացահայտ վտանգ են ներկայացնում վրացի խաղաղ բնակչության համար»:

Պետանվտանգության ծառայության հայտարարության համաձայն՝ «մարդկանց խումբը փորձում է բախում առաջացնել Վրաստանի քաղաքացիների՝ էթնիկ ադրբեջանցիների և վրացիների միջև: Այդ նպատակով երկու կողմից էլ տարվում են ազգային պատիվն ու արժանապատվությունը վիրավորող կեղծ և ագրեսիվ կոչեր ու գործողություններ: Այս խումբը հույս ունի, որ միջազգային թշնամանքը կհանգեցնի մարդու իրավունքների ոտնահարմանը՝ էթնիկ հողի վրա:

Գերատեսչության հաղորդմամբ՝ նշված խմբավորումն իրավիճակը ներկայացնում է այնպես, իբր «էթնիկ վրացիներն օգտվում են փոքրամասնությունների նկատմամբ ունեցած առավելություններից»:

ՊԱԾ-ի կողմից հետաքննությունը շարունակվում է:

Բաժանորդագրվեք մեր Telegram ալիքին