Բողոքի ակցիա. Ադրբեջանում լրագրողների իրավունքները ոտնահարվում են

Բաքվի իշխանությունները լրագրողներին պարտադրում են մասնագիտական աշխատանքը կատարելիս և տեղաշարժվելիս գրանցվել հատուկ կայքում:

Նկարը՝ © Portağal Media, կադր բողոքի ակցիայի մասին տեսանյութից

Ադրբեջանում անկախ լրագրող Փարվին Աբիշովան միայնակ բողոքի ակցիա է իրականացրել Նախարարական կաբինետի շենքի դիմաց: Նա իշխանություններին մեղադրել է լրագրողների իրավունքները սահմանափակելու փորձի մեջ: Աբիշովային ձերբակալել են, ապա` բաց թողել:

Խիստ կարանտինի պայմաններում Բաքվի իշխանությունները լրագրողներին պարտադրել են գրանցվել e-icazə.gov.az (http://xn--e-icaz-1yc.gov.az) կայքում՝ տանից դուրս գալիս կամ որևէ հանձնարարությամբ ուղևորվելիս:

Աբիշովայի պնդմամբ՝ պետության այդ պահանջը ոտնահարում է մեդիա ոլորտի աշխատակիցների իրավունքները և արհեստականորեն սահմանափակում է լրագրողների՝ տեղեկություն ստանալու իրավունքը, մասնագիտական աշխատանքը:

© Portağal Media

Հաղորդվում է, որ Ադրբեջանի Ներքին գործերի նախարարությունը և Նախարարների կաբինետը տեղի ունեցածը չեն մեկնաբանել:

Telegram