Նորություններ Ռազմական տեխնիկա Անվտանգություն Աշխարհ

Հյուսիսային Կորեան ցուցադրել է «աշխարհի ամենահզոր զենքը»

Խոսքը Pukguksong-5 հրթիռի մասին է, որը սուզանավերի համար նախատեսված բալիստիկ հրթիռ է: Հյուսիսկորեացիներն այն անվանում են «աշխարհի ամենահզոր զենքը»:

Հունվարի 14-ի երեկոյան Կորեայի Ժողովրդադեմոկրատական Հանրապետությունում (Հյուսիսային Կորեա) անցկացվել է ռազմական շքերթ:

Կորեական մամուլի հաղորդմամբ` մայրաքաղաք Փխենյանի հրապարակում ցուցադրվել են տանկեր, գերժամանակակից ռազմավարական հրթիռներ, նաև, ինչպես նշվում է, «աշխարհի ամենահզոր զենքը»` սուզանավերի համար նախատեսված բալիստիկ հրթիռները:

Խոսքը Pukguksong-5 հրթիռի մասին է, որ նախորդ տարվա հոկտեմբերին ցուցադրված Pukguksong-4-ի մոդեռնիզացված տարբերակն է:

Ռազմական շքերթին հետևել են երկրի առաջնորդ Կիմ Չեն Ընը և մի շարք բարձրաստիճան պաշտոնյաներ:

BBC-ի տեղեկություններով` Փխենյանի շքերթում ցուցադրվել են նաև փոքր հեռահարությամբ նոր բալիստիկ հրթիռներ, որոնք գործարկվում են պինդ վառելիքով: Դրա օգնությամբ հրթիռը հնարավոր է ավելի արագ արձակել, քան հեղուկ վառելիքով:

%d bloggers like this: