Հայաստան Նորություններ Ռազմական տեխնիկա

Վարչապետին «Իսկանդերի» մասին ճիշտ չեն զեկուցել. խոսնակ (թարմացված)

«Կասկած չի հարուցում, որ ռուսական զենքը լավագույններից է աշխարհում: Հայաստանը շարունակում է սերտ համագործակցությունը Ռուսաստանի հետ՝ ռազմական արդյունաբերության և բարձր տեխնոլոգիաների ոլորտներում, և մտադիր է քայլեր ձեռնարկել այն էլ ավելի խորացնելու ուղղությամբ»:

«Կասկած չի հարուցում, որ ռուսական զենքը լավագույններից է աշխարհում: Հայաստանը շարունակում է սերտ համագործակցությունը Ռուսաստանի հետ՝ ռազմական արդյունաբերության և բարձր տեխնոլոգիաների ոլորտներում, և մտադիր է քայլեր ձեռնարկել այն էլ ավելի խորացնելու ուղղությամբ»:

ՀՀ վարչապետի խոսնակ Մանե Գևորգյանը հայտարարել է, որ Նիկոլ Փաշինյանի և Վլադիմիր Պուտինի` օրերս կայացած հեռախոսազրույցի ընթացքում, ի թիվս այլ հարցերի, քննարկել են նաև Հայաստանի կողմից «Իսկանդեր» համակարգի կիրառման վերաբերյալ ՀՀ վարչապետի հայտարարությունը:

Հայտարարությունում նշվում է, որ Հայաստանի վարչապետն առկա փաստերի և տվյալների համադրության արդյունքում եկել է եզրակացության, որ իրեն այս իրավիճակի առնչությամբ ճիշտ չի զեկուցվել: Ավելին, վարչապետի հայտարարությունը ոչ մի կապ չունի ռազմական և ռազմարդյունաբերական համագործակցության ոլորտում հայ-ռուսական դաշնակցային հարաբերությունների բովանդակության ու որակի հետ:

Ընդգծվում է. «Կասկած չի հարուցում և այն հանգամանքը, որ ռուսական զենքը լավագույններից է աշխարհում: Հայաստանի Հանրապետությունը շարունակում է սերտ համագործակցությունը Ռուսաստանի Դաշնության հետ՝ ռազմական արդյունաբերության և բարձր տեխնոլոգիաների ոլորտներում և մտադիր է քայլեր ձեռնարկել այն էլ ավելի խորացնելու ուղղությամբ»:

Թարմացված. Կրեմլը արձագանքել է «Իսկանդերի» վերաբերյալ ՀՀ վարչապետի խոսնակի հայտարարությանը. Պեսկովի խոսքով` «կարևոր է, որ այդ հարցում ճշմարտությունը վերականգնվեց»:

Նկարը` © Sergei Orlov/RIA Novosti

Միացեք մեր Telegram ալիքին

<span>%d</span> bloggers like this: